26.9 C
Kollam
Thursday, October 6, 2022
spot_img

ഇനി പരാതി നേരിട്ടറിയിക്കാം കോൺഗ്രസ്സ് ഗ്രൂപ്പ് പ്രവര്‍ത്തനങ്ങള്‍ക്ക് താക്കീതുമായി രാഹുൽ ഗാന്ധി

കോഴിക്കോട്: കോൺഗ്രസിലെ ഗ്രൂപ്പ് പ്രവര്‍ത്തനത്തിന് താക്കീതുമായി കോൺഗ്രസ് നേതാവ് രാഹുൽ ഗാന്ധി. കോൺഗ്രസിൽ ഗ്രൂപ്പ് പാടില്ലെന്നും കോൺഗ്രസ് പുനസംഘടനയിൽ ഗ്രൂപ്പ് മാനദണ്ഡമാകരു തെന്നും രാഹുൽ ഗാന്ധി വ്യക്തമാക്കി കോഴിക്കോട് കോൺഗ്രസ് നേതാക്കളുടെ യോഗത്തി ലാണ് ഇക്കാര്യം രാഹുൽ നിര്‍ദ്ദേശിച്ചിരി ക്കുന്നത്. വി എം സുധീരൻ അടക്കമുള്ള നേതാക്കള്‍ പുനസംഘടനയിൽ കടുത്ത എതിര്‍പ്പ് അറിയിച്ചിരുന്നു. ഇതിന് പിന്നാലെയാണ് രാഹുലിന്റെ പ്രതികരണ മുണ്ടായിരിക്കുന്നത്.

ഡി സി സി, ബ്ലോക്ക് പുനസംഘടനയിൽ കഴിവാകണം മാനദണ്ഡമെന്നും രാഹുൽ പറഞ്ഞു. കെ പി സി സി അധ്യക്ഷൻ കെ സുധാകരനും യോഗത്തിൽ പങ്കെടുത്തു. വയനാട് ലോക്സഭ മണ്ഡലത്തിലെ വികസന പ്രവർത്തനങ്ങൾ ക്കൊപ്പം സംഘടന ശക്തിപ്പെടുത്തുന്നത് ഉൾപ്പെടെ ചർച്ച ചെയ്യാൻ ആണ് യോഗം ചേർന്നത്.അതിനിടെ കെ പി സി സി പുന:സംഘടന ഒക്ടോബർ പത്തിനുള്ളിൽ പൂർത്തിയാക്കാനാണ് നേതൃത്വത്തിന്റെ നീക്കം. ഇതിന്റെ ഭാഗമായി എട്ടാം തിയതി കെ പി സി സി അധ്യക്ഷൻ കെ സുധാകരനും പ്രതിപക്ഷ നേതാവ് വി ഡി സതീശനും ഡൽഹിക്ക് പോകും. തുടര്‍ന്ന് ഒൻപത്, പത്ത് ദിവസങ്ങളിൽ ഹൈക്കമാൻ‍ഡുമായി ചർച്ച നടത്തും. എ, ഐ ഗ്രൂപ്പുകൾ നൽകിയ പേരുകൾ പരിഗണിച്ചാകും പട്ടിക തയ്യാറാക്കുക. കോൺഗ്രസ് യൂണിറ്റ് കമ്മിറ്റികൾ ഉടൻ രൂപീകരിക്കണമെന്ന് രാഹുൽഗാന്ധി യോഗത്തിൽ ആവശ്യപ്പെട്ടു. മെറിറ്റ് ആണ് മുൻഗണനയെന്നും പരാതികൾ ഉണ്ടെങ്കിൽ നേതാക്കളെ നേരിട്ട് വിവരം അറിയിക്കാൻ മടിക്കരുതെന്നും രാഹുൽ നേതാക്കളോട് വ്യക്തമാക്കി.സെമി കേഡര്‍ വിഭാഗത്തിലേക്ക് മാറുന്നത് നല്ലതാണെന്ന് രാഹുൽ ഗാന്ധി വി എം സുധീരൻ അടക്കമുള്ള മുതിര്‍ന്ന നേതാക്കള്‍ നേതൃത്വത്തിനെതിരെ രംഗത്തു വന്നതിന് പിന്നാലെയാണ് രാഹുലിന്റെ പരാമര്‍ശമുണ്ടായിരിക്കുന്നത് രാഹുൽ വിളിച്ച യോഗത്തിൽ കോഴിക്കോട്, മലപ്പുറം ജില്ലകളിലെ ഡി സി സി അധ്യക്ഷന്മാരും മുതിര്‍ന്ന കോൺഗ്രസ് നേതാക്കളുമുണ്ടായിരുന്നു. വയനാട് ഡി സി സി അധ്യക്ഷന് എത്താൻ സാധിക്കാത്തതിനാൽ ഐ സി ബാസകൃഷ്ണൻ ടി സിദ്ദിഖ് എന്നിവരും യോഗത്തിൽ പങ്കെടുത്തിരുന്നു. ഹൈക്കമാന്‍ഡുമായുള്ള ചര്‍ച്ചയ്ക്ക് മുൻപ് സംസ്ഥാന തലത്തിലും ചർച്ചകള്‍ നടത്തും. പല മുതിർന്ന നേതാക്കളും പരാതി ഉന്നയിച്ച സാഹചര്യത്തിൽ എ, ഐ ഗ്രൂപ്പുകളുടെ ആവശ്യം കൂടി പരിഗണിക്കുമെന്നാണ് റിപ്പോര്‍ട്ട്. ഹൈക്കമാൻഡ് നിർദ്ദേശവും എല്ലാവരെയും ഒരുമിച്ച് കൊണ്ട് പോകണമെന്നതാണ്. അതുകൊണ്ടു തന്നെ സംസ്ഥാനത്ത് ആവശ്യമായ ച‍ർച്ചകൾ ഉണ്ടാകും.

Related Articles

stay connected

3,940FansLike
800FollowersFollow
24,500SubscribersSubscribe
- Advertisement -spot_img
- Advertisement -spot_img
- Advertisement -spot_img
- Advertisement -spot_img

Latest Articles