26.7 C
Kollam
Sunday, June 26, 2022
spot_img

ആർപി 584/22: പി സി ജോര്‍ജിന് ജയില്‍ നമ്പരായി; ഒന്നിനെയും ഭയമില്ലെന്ന് പി സി

വിദ്വേഷ പ്രസംഗക്കേസില്‍ റിമാന്‍ഡ് ചെയ്ത് പൂജപ്പുര ജയിലിലേക്ക് മാറ്റിയ പി സി ജോര്‍ജിന് ജയില്‍ നമ്പരായി. റിമാന്‍ഡ് പ്രിസണര്‍ രജിസ്റ്ററില്‍ ആര്‍പി 584/22 എന്നതാണ് പി സി ജോര്‍ജിന്റെ നമ്പര്‍. രാവിലെ തിരുവനന്തപുരം ഒന്നാം ക്ലാസ് മജിസ്‌ട്രേറ്റിന്റെ ചേംബറില്‍ ഹാജരാക്കിയാണ് ജോര്‍ജിനെ 14 ദിവസത്തേക്ക് റിമാന്‍ഡ് ചെയ്തത്. ജയിലിലേക്ക് മാറ്റുന്നതിന് മുമ്പായി അദ്ദേഹത്തെ കൊവിഡ് പരിശോധനക്ക് വിധേയനാക്കി.

പോലീസ് മര്‍ദിക്കുമെന്ന ഭയമുണ്ടോ എന്ന് പി സി ജോര്‍ജിനോട് കോടതി ചോദിച്ചിരുന്നു. തനിക്ക് ഒന്നിനെയും ഭയമില്ലെന്നും പോലീസിനെതിരെ പരാതിയില്ലെന്നും പി സി ജോര്‍ജ് പറഞ്ഞു. കോടതിയില്‍ ഹാജരാക്കുന്നതിന് മുമ്പ് ആരോഗ്യനില പരിശോധിക്കുന്നതിനായി തിരുവനന്തപുരം ജനറല്‍ ആശുപത്രിയില്‍ എത്തിച്ചിരുന്നു. റിമാന്‍ഡിനു ശേഷവും ആരോഗ്യ പരിശോധന നടത്തി. വാഹനത്തിനുള്ളില്‍ മെഡിക്കല്‍ സംഘത്തെ എത്തിച്ചാണ് മെഡിക്കല്‍ പരിശോധന പൂര്‍ത്തിയാക്കിയത്.അതിനിടെ, പി സി ജോര്‍ജിനെ തിങ്കളാഴ്ച കസ്റ്റഡിയില്‍ കിട്ടുമെന്നാണ് പ്രതീക്ഷയെന്ന് പോലീസ് പറഞ്ഞു. പോലീസിൻ്റെ കസ്റ്റഡി ആവശ്യം പരിഗണിക്കാതെയാണ് അദ്ദേഹത്തെ റിമാന്‍ഡ് ചെയ്യാന്‍ കോടതി ഉത്തരവിട്ടത്.

പി സിക്കെതിരെ പോലീസ് പ്രൊഡക്ഷന്‍ വാറണ്ടിനുള്ള അപേക്ഷ നല്‍കി. പോലീസ് പ്രതികാര ബുദ്ധിയോടെ പെരുമാറുകയാണെന്ന് പി സി ജോര്‍ജിൻ്റെ അഭിഭാഷകന്‍ അഡ്വ. സിജു രാജ പ്രതികരിച്ചു. അസുഖങ്ങള്‍ ഉണ്ടെങ്കിലും ജയിലില്‍ പോകാന്‍ തയാറാണെന്ന് പി സി ജോര്‍ജ് കോടതിയെ അറിയിച്ചതായും അഭിഭാഷകന്‍ പറഞ്ഞു.അതേസമയം സര്‍ക്കാര്‍ നീക്കം രാഷ്ട്രീയപ്രേരിതമെന്ന് പി സി ജോര്‍ജ് പറഞ്ഞു. താന്‍ തെറ്റ് ചെയ്തിട്ടില്ല. സമൂഹം വിലയിരുത്തട്ടെ. നോട്ടീസ് കിട്ടിയപ്പോള്‍ പാലാരിവട്ടം പൊലീസ് മുന്നില്‍ ഹാജരായതാണ്. എന്തിനാണ് എന്നെ ഇങ്ങനെ ദഹണിച്ചു കൊണ്ട് നടക്കുന്നതെന്ന് പോലീസിനോടും അതിന്റെ ഭരണ കര്‍ത്താക്കളോടും ചോദിക്കണം. കോടതി അനുവാദിക്കാത്തതുകൊണ്ട് കൂടുതലൊന്നും പറയാനില്ല. കോടതി ജാമ്യം അനുവദിച്ചാല്‍ കൂടുതല്‍ കാര്യങ്ങള്‍ പറയുമെന്നും പി സി ജോര്‍ജ് പറഞ്ഞു.

തനിക്ക് ജനം സുരക്ഷ തരും. ഇത് ഇരട്ട നീതിയല്ല, കൊടും ക്രൂരതയാണ് നടക്കുന്നത്. ഇത് തൃക്കാക്കര ഉപതെരഞ്ഞെടുപ്പിനെ എന്നല്ല എല്ലാ തെരഞ്ഞെടുപ്പിനെയും ബാധിക്കാന്‍ പോകുകയാണ്. ബിജെപിയുടെ എന്നല്ല, എല്ലാ ജനങ്ങളുടെയും പിന്തുണ ഉണ്ട്. ബിജെപിയുടെ ആത്മാര്‍ഥ പിന്തുണയുണ്ട്. എല്‍ഡിഎഫും യുഡിഎഫും ഒരു പോലെ വേട്ടയാടുന്നുവെന്നും പി സി ജോര്‍ജ് പറഞ്ഞു. മജിസ്‌ട്രേറ്റിന് മുന്നില്‍ ഹാജരാക്കുന്നതിന് മുന്‍പ് വൈദ്യ പരിശോധനക്കെത്തിച്ചപ്പോഴായിരുന്നു പി സി ജോര്‍ജിൻ്റെ പ്രതികരണം.ബുധനാഴ്ച അര്‍ധരാത്രിയാണ് പി സി ജോര്‍ജിനെ കൊച്ചിയില്‍ നിന്നും തിരുവനന്തപുരം കളമശ്ശേരി എ ആര്‍ ക്യാമ്പില്‍ എത്തിച്ചത്. ഫോര്‍ട്ട് പോലീസ് പി സി ജോര്‍ജുമായി തിരുവനന്തപുരത്തേക്ക് തിരിക്കുന്നതിനിടെ അദ്ദേഹത്തിന് രക്ത സമ്മര്‍ദമുണ്ടായി. 8.30 ഓടെ എറണാകുളം ജനറല്‍ ആശുപത്രിയില്‍ എത്തിച്ചു പരിശോധന നടത്തി. ഒരു മണിക്കൂര്‍ നിരീക്ഷണത്തിനു ശേഷം പി സി ജോർജുമായി പോലീസ് തിരുവനന്തപുരത്തേക്ക് പുറപ്പെടുകയായിരുന്നു.

Related Articles

stay connected

3,430FansLike
800FollowersFollow
19,100SubscribersSubscribe
- Advertisement -spot_img

Latest Articles