24.8 C
Kollam
Monday, August 15, 2022
spot_img

ആര്‍ത്തവ ക്രമക്കേടിനും ഗര്‍ഭധാരണത്തിനും സീഡ് സൈക്ലിംഗ്

ആര്‍ത്തവ ക്രമക്കേടുകള്‍ പലപ്പോഴും ഗര്‍ഭധാരണത്തിന് ബുദ്ധിമുട്ടുണ്ടാക്കുന്നു. ഇത്തരം പ്രശ്‌നങ്ങള്‍ക്ക് പരിഹാരമായി

സ്ത്രീകളുടെ പ്രത്യുല്‍പാദനപരമായ പ്രശ്‌നങ്ങള്‍ എടുത്താല്‍ ആര്‍ത്തവ പ്രശ്‌നങ്ങള്‍, ഗര്‍ഭധാരണ പ്രശ്‌നങ്ങള്‍ എന്നിവ പ്രധാനമാണ്. ആര്‍ത്തവ ക്രമക്കേടുകളും ഗര്‍ഭധാരണവും പലപ്പോഴും പരസ്പരം ബന്ധപ്പെട്ടു കിടക്കുന്നു. ആര്‍ത്തവ ക്രമക്കേടുകള്‍ പലപ്പോഴും ഗര്‍ഭധാരണത്തിന് ബുദ്ധിമുട്ടുണ്ടാക്കുന്നു. ഇത്തരം പ്രശ്‌നങ്ങള്‍ക്ക് പരിഹാരമായി ചെയ്യാവുന്ന തികച്ചും സ്വാഭാവിക വഴികളുണ്ട്. ഇതില്‍ ഒന്നാണ് സീഡ് സൈക്ലിംഗ്. പേര് സൂചിപ്പിയ്ക്കുന്നതു പോലെ തന്നെ സീഡ്‌സ് അഥവാ വിത്തുകള്‍ ഉപയോഗിച്ചുള്ള ഒരു പ്രത്യേക രീതിയാണ് ഇത്. ഒമേഗ-3 ഫാറ്റി ആസിഡുകള്‍, അയേണ്‍, മഗ്നീഷ്യം, സിങ്ക് തുടങ്ങി ശരീരത്തിനാവശ്യമായ പല ഘടകങ്ങളുടെയും സ്രോതസാണ് സീഡ്‌സ്. ആര്‍ത്തവ ക്രമക്കേടുകള്‍ക്ക് പരിഹാരമായും ഗര്‍ഭധാരണം എളുപ്പമാക്കാനും ഇത് പ്രയോഗിയ്ക്കാം. ആര്‍ത്തവ പ്രശ്‌നങ്ങള്‍ മാത്രമല്ല, മറ്റനേകം ആരോഗ്യപ്രശ്‌നങ്ങള്‍ക്ക് പരിഹാരം കാണാനും സീഡ്‌ ഡയറ്റിലുള്‍പ്പെടുത്തുന്നത് കൊണ്ട് സാധിക്കും


ഹോര്‍മോണ്‍ വ്യതിയാനമാണ് ആര്‍ത്തവവുമായി ബന്ധപ്പെട്ട പ്രശ്‌നങ്ങള്‍ സൃഷ്ടിക്കുന്നത്. ഈസ്‌ട്രെജന്‍, പ്രൊജസ്‌ട്രോണ്‍ എന്നീ ഹോര്‍മോണുകളാണ് ഇതില്‍ തന്നെ സുപ്രധാനമായ പങ്ക് വഹിക്കുന്നത്. ഇവയുടെ സന്തുലിതാവസ്ഥ കാത്തുസൂക്ഷിക്കാനാണ് ഈ നാല് സീഡ്‌സും രണ്ട് ഘട്ടങ്ങളിലായി കഴിക്കാന്‍ ആവശ്യപ്പെടുന്നത്. വിത്തുകള്‍ എന്നാല്‍ ചില കുരുക്കള്‍. ഫ്‌ളാക്‌സ് സീഡുകള്‍ അഥവാ ചണവിത്ത്, മത്തങ്ങാക്കുരു, സണ്‍ഫ്‌ളവര്‍ സീഡുകള്‍ തുടങ്ങിയവ ഇതില്‍ പെടുന്നു. ഇവ പ്രത്യേക ക്രമത്തിലാണ് കഴിയ്‌ക്കേണ്ടത്.

ഉപയോഗിയ്ക്കുന്ന ഇത്തരം സീഡുകള്‍ ഹോര്‍മോണ്‍ നിയന്ത്രണത്തെ സഹായിക്കുന്നു. ഫ്‌ളാക്‌സ് സീഡുകള്‍ കാല്‍സ്യം, ഒമേഗ 3 ഫാറ്റി ആസിഡുകളാല്‍ സമ്പുഷ്ടമാണ്. ഇത് ആര്‍ത്തവ, ഓവുലേഷന്‍ സഹായകമാകുന്നു. മത്തങ്ങാക്കുരു ഈസ്ട്രാഡിയോള്‍ സമ്പുഷ്ടമാണ്. ഇത് ആരോഗ്യകരമായ ഈസ്ട്രജനെ സഹായിക്കുന്നു. ഓവുലേഷന്‍ ശേഷമുള്ള എള്ളില്‍ വൈറ്റമിനുകള്‍, കാല്‍സ്യം, ഒമേഗ 3 ഫാറ്റി ആസിഡുകള്‍, സിങ്ക് എന്നിവയുണ്ട്. ഇത് പ്രൊജസ്‌ടോണ്‍ ഉല്‍പാദനത്തെ സഹായിക്കുന്നു. സണ്‍ഫ്‌ളവര്‍ സീഡുകളില്‍ മഗ്നീഷ്യം, ബി6 എന്നിവയുണ്ട്.ഗര്‍ഭധാരണത്തെ ഈ സീഡ് സൈക്ലിംഗ് സഹായിക്കുന്നത്‌ ഓവുലേഷന്‍ മുന്‍പായി ശരീരത്തിലെ ഈസ്ട്രജന്‍ തോത് ബാലന്‍സ് ചെയ്യാനായി ഫ്‌ളാക്‌സ് സീഡുകള്‍ അഥവാ ചണവിത്ത്, മത്തങ്ങാക്കുരു എന്നിവ കഴിയ്ക്കുന്നു. ഇത് നല്ല അണ്ഡോല്‍പാദനത്തിന് സഹായിക്കുന്നു. ഇതിനു ശേഷം പോസ്റ്റ് ഓവുലേഷന്‍, അതായത് ഓവുലേഷന്‍ ശേഷം ഗര്‍ഭധാരണത്തിന് സഹായിക്കുന്ന പ്രൊജസ്‌ട്രോണ്‍ ഹോര്‍മോണ്‍ വര്‍ദ്ധിപ്പിയ്ക്കുന്ന എള്ള, സൂര്യകാന്തി വിത്ത് എന്നിവ കഴിയ്ക്കുന്നു. ഇത് ഭ്രൂണം ഗര്‍ഭാശയ ഭിത്തിയില്‍ പറ്റിപ്പിടിച്ചു വളരുന്ന, ശരിയ്ക്കുള്ള ഗര്‍ഭധാരണം എ്ന്നു വിശേഷിപ്പിയ്ക്കുന്ന ഇംപ്ലാന്റേഷനെ സഹായിക്കുന്നു.

പല കാര്യങ്ങള്‍ക്കായി പല തരത്തിലാണ് സീഡ് സൈക്ലിംഗ് ചെയ്യുന്നത്. ആര്‍ത്തവ ക്രമക്കേടുകള്‍ മാറാന്‍ ആര്‍ത്തവത്തിന്റെ ആദ്യ ദിനം മുതല്‍ 14 ദിനം വരെ ചണവിത്ത് അഥവാ ഫ്‌ളാക്‌സ് സീഡുകള്‍, പംപ്കിന്‍ സീഡുകള്‍ അഥവാ മത്തങ്ങാക്കുരു എന്നിവ കഴിയ്ക്കാം. 15-28 വരെ എള്ളും സണ്‍ഫ്‌ളവര്‍ സീഡും കഴിയ്ക്കാം. ഗര്‍ഭധാരണത്തിന് ഓവുലേഷന്‍ പ്രധാനമാണ്. എന്നാല്‍ ഓവുലേഷന്‍ ദിവസം അറിയാത്തതാണ് പലരുടേയും പ്രശ്‌നം.ഇത്തരക്കാര്‍ ആര്‍ത്തവത്തിന്റെ ആദ്യ ദിനം മുതല്‍ 14 ദിനം വരെ ചണവിത്ത് അഥവാ ഫ്‌ളാക്‌സ് സീഡുകള്‍, പംപ്കിന്‍ സീഡുകള്‍ അഥവാ മത്തങ്ങാക്കുരു എന്നിവ കഴിയ്ക്കാം. 15-28 വരെ എള്ളും സണ്‍ഫ്‌ളവര്‍ സീഡും കഴിയ്ക്കാം.അതായത് ഓവുലേഷന് മുന്‍പു പിന്‍പും എന്നതാണ് സീഡ് സൈക്കിളിംഗ് കണക്ക്. 28 ദിവസത്തെ ആര്‍ത്തവ ചക്രത്തിലാണ് ഇത്. ആര്‍ത്തവ ചക്രം വ്യത്യാസപ്പെട്ടാല്‍ ഈ ദിവസങ്ങളിലും വ്യത്യാസം വരാം. ആര്‍ത്തവ ക്രമം വേണ്ട, എന്നാല്‍ ഓവുലേഷന്‍ ശരിയ്ക്കറിയാം എന്നുള്ളവര്‍ ഗര്‍ഭധാരണത്തിന് ശ്രമിയ്ക്കുന്നുവെങ്കില്‍ ഓവുലേഷന്‍ ശേഷമുള്ള എള്ളും സണ്‍ഫ്‌ളവര്‍ സീഡും കഴിയ്ക്കാം. അതായത് ആര്‍ത്തവക്രമം ശരിയാണെങ്കില്‍. മല്ലിയില ആഹാരത്തില്‍ ഉള്‍പ്പെടുത്തൂ,

Related Articles

stay connected

3,660FansLike
800FollowersFollow
23,000SubscribersSubscribe
- Advertisement -spot_img
- Advertisement -spot_img

Latest Articles