27.9 C
Kollam
Monday, June 14, 2021
spot_img

അലർജി മൂലമുണ്ടാകുന്ന പ്രശ്നങ്ങൾ മാറാൻ ഈ കാര്യങ്ങൾ ശ്രദ്ധിക്കാം

അലർജി ഉണ്ടാകാൻ കാരണങ്ങൾ പലതാണ്. പൊടി അലർജി മുതൽ ചില ഭക്ഷണങ്ങൾ കഴിക്കുന്നത് മൂലം ഉണ്ടാകുന്ന അലർജി വരെ, എന്തൊക്കെ തരത്തിലുള്ള അലർജി ആണ് സാധാരണ ഉണ്ടാകുന്നത്? ഈ പ്രശ്നത്തെ എങ്ങനെ നേരിടാം?
എന്താണ് അലർജിയും അതിന്റെ ലക്ഷണങ്ങളും?
അലർജി മൂലമുണ്ടാകുന്ന പ്രശ്നങ്ങൾ നേരിടാനുള്ള പൊടിക്കൈകൾ
പ്രകൃതിയിൽ സാധാരണയായി നിരുപദ്രവകാരികളായിരിക്കുന്ന ചില വസ്തുക്കളോടുള്ള നമ്മുടെ രോഗപ്രതിരോധ സംവിധാനത്തിന്റെ സ്വതസിദ്ധമായ പ്രതികരണമാണ് അലർജി. ശരീരത്തിലെ രോഗപ്രതിരോധ കോശങ്ങൾ ഈ വസ്തുക്കളെ (അലർജികൾ എന്ന് വിളിക്കുന്നു) അപകടകരമാണെന്ന് തിരിച്ചറിയുകയും അയൽ ടിഷ്യൂകളെ തകരാറിലാക്കുകയും അലർജി ലക്ഷണങ്ങളെ പ്രേരിപ്പിക്കുകയും ചെയ്യുന്ന ഐജിഇ എന്ന ആന്റിബോഡിയും മറ്റ് കോശജ്വലന രാസവസ്തുക്കളും പുറത്തുവിടുന്നതിലൂടെ അവയെ ഒഴിവാക്കാൻ ശ്രമിക്കുകയും ചെയ്യുന്നു.
അലർജിയുടെ ലക്ഷണങ്ങൾ
അലർജി അടിസ്ഥാനപരമായി രോഗപ്രതിരോധവ്യവസ്ഥയുടെ പ്രതികരണമാണ്. ഒരു വ്യക്തിക്ക് ഒരു പ്രത്യേക വസ്തുവിനോട് അലർജിയുണ്ടോ ഇല്ലയോ എന്ന് പ്രവചിക്കാൻ കഴിയുന്ന അത്തരം ലക്ഷണങ്ങൾ ഏതൊക്കെയെന്ന് നമുക്ക് നോക്കാം.
ചർമ്മത്തിൽ ചൊറിച്ചിൽ: അലർജി മൂലമുണ്ടാകുന്ന ചൊറിച്ചിൽ കരപ്പൻ അഥവാ എക്സിമ, അലർജി കോൺടാക്റ്റ് ഡെർമറ്റൈറ്റിസ് (എസിഡി), ചർമ്മം പൊളിഞ്ഞിളകൽ, ആൻജിയോഡെമ തുടങ്ങിയ ചില രോഗങ്ങളിൽ സംഭവിക്കുന്നു. ചർമ്മത്തിലെ ചൊറിച്ചിലിനൊപ്പം നീർവീക്കം, ചുവന്ന തടിപ്പ്, മുഖം ചുവക്കുക, അല്ലെങ്കിൽ ചിലപ്പോൾ വെളുത്തതോ ചുവന്നതോ ആയ പാടുകൾ എന്നിവ ഉണ്ടാകുന്നു. ഒരു വിദേശ പദാർത്ഥത്തിനെതിരെ (അലർജി) പ്രതിരോധ സംവിധാനം ഉണ്ടാക്കുന്നതിനായി പുറത്തുവിടുന്ന ഹിസ്റ്റാമിനോട് നമ്മുടെ ശരീരം പ്രതികരിക്കുമ്പോൾ ഈ ലക്ഷണങ്ങൾ സംഭവിക്കുന്നു. ഭക്ഷണം, പ്രാണികളുടെ കുത്ത്, സൂര്യപ്രകാശം, അല്ലെങ്കിൽ ചില മരുന്നുകൾ എന്നിവ മൂലമാണ് ഈ അലർജി ഉണ്ടാകുന്നത്.

മൂക്കടപ്പ്: അലർജികൾ ഉണ്ടാകുമ്പോൾ, മ്യൂക്കസ് മെംബറെയിനിൽ നീർക്കെട്ട് സംഭവിക്കുകയും വീക്കം ഉണ്ടായ മൂക്കിലെ ടിഷ്യു സൈനസുകളെ തടയുകയും വായുവിനെ അകത്ത് കുടുക്കുകയും ചെയ്യുന്നു. അത് വേദനയിലേക്കും സമ്മർദ്ദത്തിലേക്കും നയിക്കുന്നു. അലർജി മൂലമുണ്ടാകുന്ന മൂക്കടപ്പ് ദിവസം മുഴുവൻ തുമ്മൽ ഉണ്ടാകുന്നതിന് കാരണമാകുന്നു. പൊടിപടലങ്ങൾ, വൃക്ഷങ്ങളുടെ കൂമ്പോള, മൃഗങ്ങളുടെ രോമം എന്നിവയോട് അലർജി ഉള്ളവർക്കും ചില കാലാവസ്ഥ വ്യതിയാനങ്ങൾ മൂലമുണ്ടാകുന്ന അലർജിയുണ്ടാകുമ്പോഴും ഇത് സംഭവിക്കുന്നു.

ചുണ്ടിൽ പുരട്ടാൻ മാത്രമല്ല, പെട്രോളിയം ജെല്ലി ഈ കാര്യങ്ങൾക്കും ഉപയോഗിക്കാം
കണ്ണുകൾ നിറഞ്ഞൊഴുകുന്നതും കണ്ണുകളിലെ ചൊറിച്ചിലും: പൊടി ഏൽക്കുമ്പോൾ അലർജിയുള്ള ചില വ്യക്തികളിൽ അത് കണ്ണുകൾ നിറഞ്ഞൊഴുകുന്നതിന് വഴിവയ്ക്കും. കൂടാതെ, കൺജങ്ക്റ്റിവിറ്റിസ് അഥവാ ചെങ്കണ്ണ്, ആസ്ത്മ, റിനോകോൺജങ്ക്റ്റിവിറ്റിസ് എന്നിവ അത്തരം ലക്ഷണങ്ങളെ പ്രേരിപ്പിക്കുന്നു.

ശ്വസനത്തിലെ വ്യത്യാസം: അലർജിക് റിനിറ്റിസ് അല്ലെങ്കിൽ ജലദോഷപ്പനി മൂലമുള്ള മൂക്കടപ്പാണ് അലർജി മൂലമുള്ള ശ്വാസതടസ്സം ഉണ്ടാകാനുള്ള ഏറ്റവും സാധാരണ കാരണം. ഡീകോംഗെസ്റ്റന്റുകളും ആന്റിഹിസ്റ്റാമൈനുകളും ചേർന്ന മരുന്നുപയോഗിച്ചാണ് ഇത് സാധാരണയായി ചികിത്സിക്കുന്നത്. അലർജിക് ആസ്ത്മയാണ് ശ്വസിക്കാനുള്ള ബുദ്ധിമുട്ട് ഉണ്ടാകാനുള്ള മറ്റൊരു കാരണം. വലിവ്, വരണ്ട സ്ഥിരമായ ചുമ, നെഞ്ചിൽ ഇറുക്കം, ഉറക്കമില്ലായ്മ, ശ്വാസതടസ്സം എന്നിവയാണ് രോഗലക്ഷണങ്ങൾ. ഒരു വ്യക്തിക്ക് ഈ ലക്ഷണങ്ങൾ അനുഭവപ്പെടുകയാണെങ്കിൽ, അയാൾ ഉടൻ ഡോക്ടറെ സന്ദർശിക്കണം. മറ്റൊരു അപൂർവ അലർജി പ്രതിപ്രവർത്തനമായ അനാഫൈലക്റ്റിക് ഷോക്ക് ശ്വസനത്തിന് ബുദ്ധിമുട്ട് ഉണ്ടാകുന്ന അവസ്ഥയിലേക്കും നയിക്കുന്നു, മാത്രമല്ല അത്തരം അവസ്ഥയിൽ രോഗിക്ക് ഛർദ്ദിയോ ക്ഷീണമോ അനുഭവപ്പെടുകയോ ചെയ്യാം.

നെഞ്ചുവേദനയും ഹൃദയമിടിപ്പിലെ പ്രശ്നങ്ങളും: അലർജി പ്രതിപ്രവർത്തനം മൂലമുണ്ടാകുന്ന ഹൃദയമിടിപ്പിലെ പ്രശ്നം അനാഫൈലക്സിസ് എന്ന ഗുരുതരമായ അവസ്ഥയുടെ ആരംഭത്തെ സൂചിപ്പിക്കുന്നു. ചില ഭക്ഷണങ്ങൾ, മരുന്നുകൾ, പ്രാണികൾ, ലാറ്റക്സ് എന്നിവയുമായി സമ്പർക്കം പുലർത്തുകയാണെങ്കിൽ അനാഫൈലക്റ്റിക് അലർജി ലക്ഷണങ്ങൾ ഉണ്ടാകാം. അത്തരം ഹൃദയമിടിപ്പിനൊപ്പം ശ്വാസതടസ്സം, തലകറക്കം, നെഞ്ചുവേദന, ക്ഷീണം എന്നിവ അനുഭവപ്പെടുകയാണെങ്കിൽ ഉടൻ തന്നെ നിങ്ങൾ വൈദ്യസഹായം തേടണം.
അലർജി പ്രശ്നങ്ങളെ നേരിടുന്നതിനുള്ള പ്രകൃതിദത്ത പരിഹാരങ്ങൾ
പല പരമ്പരാഗത വൈദ്യശാസ്ത്ര സംവിധാനങ്ങളും അലർജി പ്രതിപ്രവർത്തനങ്ങളെ തടയുന്നതിനും പ്രത്യേകിച്ച് കാലാവസ്ഥാ വ്യതിയാനം മൂലമുണ്ടാവുന്ന അലർജികൾ തടയുന്നതിനും ഔഷധസസ്യങ്ങളും സത്തുകളും ഉപയോഗിക്കുന്നു. മിക്ക ബദൽ അല്ലെങ്കിൽ പ്രകൃതിദത്ത പരിഹാരങ്ങളും ഉപയോഗിക്കുന്നതിന് ശാസ്ത്രീയ തെളിവുകൾ വളരെ കുറവാണെങ്കിലും, ചിലർക്ക് അവരുടെ രോഗ ലക്ഷണങ്ങളിൽ നിന്ന് ആശ്വാസം നൽകാൻ ഇവയ്ക്ക് കഴിയുമെന്ന് കണ്ടെത്തിയിട്ടുണ്ട്.

# ഭക്ഷണ മാറ്റങ്ങൾ: ബീൻസ്, ധാന്യങ്ങൾ, പച്ചക്കറികൾ എന്നിവ പോലുള്ള സങ്കീർണ്ണ കാർബോഹൈഡ്രേറ്റുകൾ അടങ്ങിയ കൊഴുപ്പ് കുറഞ്ഞ ഭക്ഷണം അലർജി പ്രതിപ്രവർത്തനങ്ങൾ കുറയ്ക്കും.
# ബയോഫ്ലേവനോയ്ഡുകൾ: സിട്രസ് പഴങ്ങളിലും ബ്ലാക്ക് കറന്റുകളിലും കാണപ്പെടുന്ന ഈ സസ്യ അധിഷ്ഠിത രാസവസ്തുക്കൾ അലർജി തടയുന്ന സ്വാഭാവിക ആന്റിഹിസ്റ്റാമൈനുകളായി പ്രവർത്തിക്കും. ഇവയെ സപ്ലിമെന്റ് രൂപത്തിലും കഴിക്കാം.
# സപ്ലിമെന്റുകൾ: അലർജി ലക്ഷണങ്ങൾ നേരിടുന്നതിന് ഫ്ളാക്സ് സീഡ് ഓയിൽ, സിങ്ക്, വിറ്റാമിൻ എ, സി, ഇ എന്നിവ വിദഗ്ദ്ധർ നിർദ്ദേശിക്കുന്നു.
# അക്യുപങ്‌ചർ‌: അക്യുപങ്‌ചർ‌ ചികിത്സകൾ‌ ചില ആളുകൾക്ക് അവരുടെ അലർജി ലക്ഷണങ്ങളിൽ‌ നിന്നും മോചനം ലഭിക്കുവാൻ സഹായിക്കും.

Related Articles

LEAVE A REPLY

Please enter your comment!
Please enter your name here

Stay Connected

22,036FansLike
2,809FollowersFollow
17,800SubscribersSubscribe
- Advertisement -spot_img

Latest Articles