25.5 C
Kollam
Tuesday, August 9, 2022
spot_img

അനിൽ കാന്ത് ഐപിഎസ് സംസ്ഥാന പോലീസ് മേധാവി

ദളിത് വിഭാഗത്തിൽ നിന്നും സംസ്ഥാന പോലീസ് മേധാവി സ്ഥാനത്തെത്തുന്ന ആദ്യ ഉദ്യോഗസ്ഥനാണ് അനിൽ കാന്ത്. വിശിഷ്ടസേവനത്തിനുള്ള രാഷ്ട്രപതിയുടെ മെഡലും അനിൽ കാന്തിന് ലഭിച്ചിട്ടുണ്ട്.

തിരുവനന്തപുരം; നിലവിലെ റോഡ് സുരക്ഷാ കമ്മീഷണറായ അനിൽ കാന്ത് സംസ്ഥാന പോലീസ് മേധാവിയാകും. 1988 ബാച്ചിലെ ഐപിഎസ് ഉദ്യോഗസ്ഥനായ അനിൽ കാന്തിനെ ഡിജിപിയായി നിയമിക്കാൻ മന്ത്രിസഭാ യോഗത്തിൽ തീരുമാനിച്ചു. ഡൽഹി സ്വദേശിയാണ് അനിൽ കാന്ത്.

ഡിജിപി സ്ഥാനത്തു നിന്നും ലോക്നാഥ് ബെഹ്റ വിരമിക്കുന്ന സാഹചര്യത്തിലാണ് അനിൽ കാന്ത് ഡിജിപിയായി സ്ഥാനമേൽക്കുന്നത്. ദളിത് വിഭാഗത്തിൽ നിന്ന് കേരളത്തിൽ ഡിജിപി സ്ഥാനത്തെത്തുന്ന ആദ്യ ഉദ്യോഗസ്ഥനാണ് അനിൽ കാന്ത്. എഡിജിപി കസേരയിൽ നിന്ന് നേരിട്ടാണ് ഡിജിപിയായി അനിൽ കാന്തിൻ്റെ നിയമനം.
അനിൽ കാന്തിനു പുറമെ ബി സന്ധ്യ, സുദേഷ് കുമാര്‍ എന്നിവരും പുതിയ സംസ്ഥാന പോലീസ് മേധാവി നിയമനത്തിനുള്ള ചുരുക്കപ്പട്ടികയിലുണ്ടായിരുന്നു. ഇന്നു വൈകിട്ട് പോലീസ് ആസ്ഥാനത്തെത്തി ലോക്നാഥ് ബെഹ്റയിൽ നിന്ന് അനിൽ കാന്ത് സ്ഥാനമേറ്റെടുക്കും. അതേസമയം, അനിൽ കാന്തിന് ഏഴു മാസത്തെ സര്‍വീസ് മാത്രമാണ് ബാക്കിയുള്ളത്. എന്നാൽ രണ്ട് വര്‍ഷത്തെ സര്‍വീസ് ഡിജിപിമാര്‍ക്ക് നല്‍കണമെന്നാണ് സുപ്രീം കോടതി ഉത്തരവ്. ഇക്കാര്യത്തിൽ സര്‍ക്കാര്‍ നിയമോപദേശം തേടിയേക്കും.

മുൻപ് തിരുവനന്തപുരം റൂറസൽ എസ്പിയായും ഇദ്ദേഹം പ്രവര്‍ത്തിച്ചിട്ടുണട്. കേരള കേഡറിൽ സര്‍വീസ് തുടങ്ങിയ അനിൽ കാന്ദ് ഡൽഹി, ഷില്ലോങ് തുടങ്ങിയ സ്ഥലങ്ങളിൽ ഇൻ്റലിജൻസ് ബ്യൂറോ അസിസ്റ്റൻ്റ് ഡയറക്ടറായും പ്രവര്‍ത്തിച്ചിട്ടുണ്ട്. തുടര്‍ന്ന് സ്പെഷ്യൽ ബ്രാഞ്ചിലും തിരുവനന്തപുരം റേഞ്ചിലും ഡിഐജി ആയും പ്രവര്‍ത്തിച്ചിട്ടുണ്ട്.

Related Articles

stay connected

3,660FansLike
800FollowersFollow
22,600SubscribersSubscribe
- Advertisement -spot_img
- Advertisement -spot_img

Latest Articles