24.8 C
Kollam
Monday, August 15, 2022
spot_img

അടുത്തമാസം മുതൽ ലോൺ തിരിച്ചടവ് ഉൾപ്പെടെ മുടങ്ങും; മാറ്റങ്ങൾ അറിഞ്ഞിരിക്കുക

ബാങ്ക് നിക്ഷേപമുള്ളവര്‍ ശ്രദ്ധിച്ചില്ലെങ്കിൽ അടുത്ത മാസം മുതൽ ലോൺ തിരിച്ചടവും എസ്ഐപി, ഇൻഷുറസ് നിക്ഷേപവും വിവിധ ബിൽ പെയ്മൻറുകളും ഒക്കെ മുടങ്ങിയേക്കാം. അക്കൗണ്ടിൽ നിന്ന് സ്ഥിരമായി നടത്തുന്ന പണം ഇടപാടുകൾക്ക് കൂടുതൽ സുരക്ഷിതത്വം നൽകുന്നതിനായി ഇടപാടുകാരുടെ അനുമതി ആവശ്യമാണെന്നതാണ് പുതിയ മാറ്റം. അക്കൗണ്ടിൽ നിന്ന് ധനകാര്യ സ്ഥാപനങ്ങൾ പണം പിൻവലിക്കുന്നതിന് മുമ്പ് ഇടപാടുകാരൻ ഇത് സ്ഥിരീകരിക്കണം. ചുരുക്കത്തിൽ അക്കൗണ്ട് ഉടമയുടെ അനുമതി കൂടാതെ ഒരു ബില്ലുകളുടെയും തുക അക്കൗണ്ടിൽ നിന്ന് പിൻവലിക്കരുത്. വൈദ്യുതി ബില്ലിനും ഫോൺ ബില്ലിനും, ഗ്യാസ്, മൂവി സബ്സ്ക്രിപ്ഷനുകൾ തുടങ്ങി നിരവധി ഓട്ടോ ഡെബിറ്റ് സേവനങ്ങൾക്ക് ഇത് ബാധകമാകും. ക്രെഡിറ്റ്, ഡെബിറ്റ് കാർഡ് ഉപയോക്താക്കൾക്കും ഓട്ടോ-പേയ്മെൻറ് നിർദ്ദേശങ്ങളിലെ മാറ്റങ്ങൾ ബാധകമാകും. സ്ഥിരമായി കാര്‍ഡ് ഉപയോഗിച്ച് നടത്തുന്ന തിരിച്ചടവുകൾക്ക് അക്കൗണ്ട് ഉടമ സ്ഥിരീകരണം നൽകേണ്ടി വന്നേക്കും എന്നാണ് സൂചന. ഒക്ടോബർ ഒന്നു മുതൽ ആര്‍ബിഐ പുതിയ ഓട്ടോ-പേയ്മെൻറ് നിയമങ്ങൾ കൊണ്ടുവരുന്നതിനാൽ ആണിത്. ഡെബിറ്റ് കാർഡുകൾ, ക്രെഡിറ്റ് കാർഡുകൾ, യുപിഐ സംവിധാനം ഉപയോഗിച്ച് സ്ഥിരമായി നടത്തുന്ന ഇടപാടുകൾ എന്നിവയൊക്കെ സംവിധാനത്തിന് പരിധിയിൽ വരും.

ഡെബിറ്റ് കാർഡ്, ക്രെഡിറ്റ് കാർഡ് ഓട്ടോ പേയ്‌മെന്റുകളിലും ഒക്ടോബർ ഒന്ന് മുതൽ സംവിധാനം നടപ്പാക്കും.ക്രെഡിറ്റ് ,ഡെബിറ്റ് കാർഡ് ഉപയോഗിച്ചുള്ള ആഭ്യന്തര, രാജ്യാന്തര ഇടപാടുകൾക്കും ഇത് ബാധകമാണ്. ഇടപാടുകാര്‍ക്ക് അനുമതി നൽകാതെ പണം കൈമാറ്റം ചെയ്യാൻ ആകില്ല. നിലവിലെ കാര്‍ഡ് നിയമങ്ങളിൽ പുതിയ നിയമവും ഉൾപ്പെടും.

ബാങ്കുകൾ ഇതു സംബന്ധിച്ച് ഉപഭോക്താക്കൾക്ക് മുന്നറിയിപ്പ് നൽകുന്നുണ്ട്. അക്കൗണ്ടിൽ നിന്ന് പണം പിൻവലിക്കുന്നതിന് ഒരു ദിവസം മുമ്പ് തന്നെ ഇടപാടുകാര്‍ക്ക് വിവരം ലഭിക്കും. ഫോണിൽ എത്തുന്ന എസ്എംഎസിന് ഇടപാടുകാര്‍ സ്ഥിരീകരണം നൽകിയാൽ മാത്രമേ ബാങ്കുകൾക്ക് പണം പിൻവലിക്കാൻ ആകൂ. 5000 രൂപയിൽ കൂടുതലുള്ള തുക അക്കൗണ്ടിൽ നിന്ന് പിൻവലിക്കണമെങ്കിൽ ഫോണിൽ എത്തുന്ന ഒടിപി ഇടപാടുകാരൻ നൽകണം. ഓട്ടോ ഡെബിറ്റ് ഇടപാടുകളുടെ മറവിൽ അധിക തുക നഷ്ടമാകുന്നത് തടയാനും പണമിടപാടുകൾ സുരക്ഷിതമാക്കാനും നടപടി സഹായകരമാകും. എന്നാൽ എങ്ങനെയാണ് കാര്‍ഡ് ഇടപാടുകൾക്ക് സംവിധാനം ബാധകമാവുക എന്നും പെട്ടെന്നുള്ള മാറ്റം ഇടപാടുകളെ എങ്ങനെ ബാധിക്കും എന്നതിലും ആശയക്കുഴപ്പങ്ങൾ നിലനിൽക്കുന്നുണ്ട്.പുതിയ നിയമങ്ങൾ ദശലക്ഷക്കണക്കിന് ഉപയോക്താക്കൾക്ക് ആശയകുഴപ്പമുണ്ടാക്കും എന്ന ആക്ഷേപമുണ്ട്. തടസ്സമില്ലാത്ത പണം ഇടപാടുകൾക്കായി ഡെബിറ്റ്, ക്രെഡിറ്റ് കാർഡ് ഉപയോഗിച്ച് വ്യാപാരിക്ക് നേരിട്ട് പണമടയ്ക്കാം. 2021 ഒക്ടോബർ ഒന്നു മുതലുള്ള ഇഎംഐ തിരിച്ചടവുകൾക്കും മറ്റ് ബിൽപെയ്മൻറുകൾക്കുമാണ് ഇത് ബാധകമാവുക. അതുപോലെ കാര്‍ഡ് രജിസ്ട്രേഷൻ നടപടികൾ മറ്റ് ഇടപാടുകൾ, ട്രാൻസാക്ഷൻ വിവരങ്ങൾ ഡിലീറ്റ് ചെയ്യൽ തുടങ്ങിയവയ്ക്കും അക്കൗണ്ട് ഉടമയുടെ സ്ഥിരീകരണം ആവശ്യമായി വരും. ഉപഭോക്താക്കൾക്ക് 24 മണിക്കൂർ മുമ്പ് പ്രീ-ഡെബിറ്റ് അറിയിപ്പ് ലഭിക്കും. എസ്എംഎസ് ആയോ ഇ-മെയിലിലൂടെയോ ഇത് സംബന്ധിച്ച അറിയിപ്പ് ലഭിക്കും. പണം ഇടപാട് നടത്തേണ്ടതില്ലെങ്കിൽ പ്രീ-ഡെബിറ്റ് വിജ്ഞാപനത്തിൽ നൽകിയിരിക്കുന്ന ലിങ്ക് വഴി തന്നെ ഇടപാട് ഒഴിവാക്കാം.

Related Articles

stay connected

3,660FansLike
800FollowersFollow
23,000SubscribersSubscribe
- Advertisement -spot_img
- Advertisement -spot_img

Latest Articles